Eyjafréttir: Kristleifur í Oddinum bauð 5 ára börnum í sögustund

Eyjafréttir 22. desember 2010

Kristleifur Guðmundsson, eigandi verslunarinnar Oddsins bauð nemendum í 5 ára deild Grunnskóla Vestmannaeyja í heimsókn til sín á mánudaginn.  Jólaundirbúningurinn er nú á lokastigi en biðin er börnunum erfið.  Því var það kærkomið tækifæri fyrir þau að brjóta upp daginn, kíkja í Oddinn, fá sleikjó og sögulestur í kaupbæti.

Verslunareigandinn sjálfur las upp jólasögu fyrir börnin og varpaði myndum úr sögunni upp á stóran flatskjá þannig að þau gátu fylgst enn betur með framvindu sögunnar.  Ekki var annað að sjá en að krökkunum líkaði uppátækið vel.

Mynd: Óskar Pétur Friðriksson